Pesë persona u plagosën pasi protestuesit pro-armenë në qytetin Isere në juglindje të Francës protestuan duke bllokuar autostradën A7 dhe sulmuan turqit që shkonin në punë, transmeton Insajderi.
Sipas një deklarate për gazetarin e AA-së nga dëshmitarët e ngjarjes, mësohet se 300-400 protestues armenë bllokuan trafikun në të dy rrugët e autostradës A7.
Në mëngjes bllokimet e trafikut filluan në drejtim të Lyon dhe Marseille.
Teksa u ngritën tensionet mes protestuesve dhe atyre që u bllokuan në trafik, theksohet se protestuesit pro Armenisë sulmuan një grup qytetarësh turq të cilët reaguan ndaj tyre duke u përpjekur që të shkonin në punë, raporton Anadolu Agency (AA).
Protestuesit shkaktuan plagosjen e 4 personave me origjinë turke njëri prej të cilëve në gjendje të rëndë i cili u dërgua në spital.
Në pamjet e publikuara në rrjetet sociale, vërehet grupi armen me flamuj të Armenisë në shpinën e tyre të cilët rrahin me shkopinj duke futur në mesin e tyre dy persona.
Ndër të tjera bëhet e ditur se një person u plagos në ngjarjet e përjetuara tek xhandarmëria, ndërsa trafiku u hap pasi protestuesit u larguan nga autostrada. /Insajderi.com
