Ish-deputeti i VV-së, Adem Mikullovci, ka rrëfyer për një moment të pakëndshëm në jetën e tij.
Mikullovci ka treguar se si një ditë ishte injoruar nga Behgjet Pacolli edhe përkundër faktit se e kishte përshëndetur në hotelin e tij.
“Një ditë duke kaluar nga hoteli i tij e pashë Behgjet Pacollin, dhe i thashë mirëdita, ai veq shikoi okolla, as nuk më pa. Po s’më sheh, s’ekzistoj për të”, deklaroi Mikullovci.
Ndërkohë për një gjë të tillë ka reaguar në profilin e tij vetë Pacolli, duke thënë se nuk e ka parë dhe që e respekton ish-deputetin e Lëvizjes Vetëvendosje.
“Baca Adem unë ty te respektoj dhe te garantoj që nuk të kam parë. Nuk është në kulturën time të mos respektoj apo përshëndes njerëzit e sidomos ju deri sa kam pasur dhe kam shumë respekt. Kështu që më duhet të ju them se paragonizmi i cekur më lartë nuk më përket mua”, ka shkruar Pacolli.
