Një person është plagosur me armë zjarri në lagjen “Dardania” të Prishtinës, sot rreth orës 15 e 30, njofton Insajderi.
Siç njofton Policia e Kosovës, i lënduari është dërguar për trajtim mjekësor.
Lajmin për Insajderi-n e ka bërë të ditur zëdhënësja e Policisë për rajonin e Prishtinës, Flora Ahmeti, e cila tutje tha se policia ka identifikuar një person të dyshuar dhe është në kërkim të tij.
“Sot rreth orës 15:30, policia ka marrë informatën për një plagosje me armë zjarri në lagjen Dardania në Prishtinë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve, si dhe njësitë e tjera për ekzaminim të vendngjarjes”.
“Bazuar në të dhënat fillestare, nga arma e zjarrit është plagosur 1 person. I njëjti është dërguar për tretman mjekësor. Lidhur me këtë rast policia ka identifikuar një person të dyshuar dhe është në kërkim të tij”, ka përfunduar Ahmeti. /Insajderi.com
