Platforma me rritjen e shpejtë të komunikimit për ekipet e punës Slack, shikoi aksionet të rriten me 50 për qind në ditën e parë të tregtimit publik (IPO) duke vlerësuar kompaninë me 23 miliardë dollarë.
Aksionet vlerësoheshin me 38.62 dollarë, afro 12 dollarë më tepër sesa çmimi prej 26 dollarësh që kishin pritur analistët nga IPO-ja.
Vlera e tregut e Slack është 50 herë më e lartë sesa të ardhurave të kompanisë e cila ende nuk është fitimprurëse.
Slack është një platformë komunikimi dhe mesazhimi e ngjashme me dhomat e bisedave me mundësinë për të punuar bashkërisht në dokumente.
Aplikacioni filloi si një projekt i brendshëm për të përmirësuar komunikimin tek kompania e video lojërave Tiny Speck, përpara se të bëhet Slack Technologies.
IPO-ja e Slack vjen pak kohë pas një serie IPO si Crowdstrike, Zoom, Spotify, Uber Lyft. Në 2018-ën, Slack kishte 400 milionë dollarë të ardhura, 80 për qind më shumë sesa një vit më parë, megjithatë raportoi 143 milionë dollarë humbje.
Kompania ka 90 milionë përdorues, po vetëm 100 mijë prej tyre janë konsumatorë me pagesë.
