Policia gjatë planit operativ “Kontroll nga ajri” përmes dronit ka arritur të identifikojë një plantacion me rreth 250 bimë të mbjellura që dyshohen të jenë kanabis sativa.
“Gjatësia e të cilave shkon nga 1 deri në 3 metra. Pas identifikimit të lokacionit janë njoftuar njësitë përkatëse policore të cilat kanë dal në vendin e ngjarjes”, thuhet në njoftimin e Policisë, shkruan Insajderi.
“Për rastin është njoftuar edhe Prokurori kompetent, dhe me autorizimin e tij bimët narkotike janë grumbulluar dhe në prezencë të njësive të antidrogës janë asgjësuar (djegur), përderisa nga njësia e Krim Teknikës së Policisë sipas procedurave janë marr mostrat”./GazetaInsajderi/
