fbpx

Policia kap në Dibër të Madhe emigrantë nga Palestina

Policia kap në Dibër të Madhe emigrantë nga Palestina

Pjesëtarët e policisë së Maqedonisë zbuluan në Dibër dy emigrantë ilegalë në një automjet me targa të Shkupit.

Të dy emigrantët kanë qenë nga Palestina, njëri në moshën 17 dhe tjetri në moshën 21-vjeçare.

Personat janë arrestuar dhe po merren masa për zbardhjen e plotë të ngjarjes, deklaroi Stefan Dimovski, zëdhënës i Sektorit të Punëve të Brendshme – Ohër.

Sipas tij, të arrestuarit nuk kanë pasur dokumente për identifikim dhe qëndrim dhe në mënyrë ilegale qëndronin në Maqedoni.

Të dy palestinezët siç duhet  përmes Dibrës kanë kaluar vetëm transit. Qëllimi i tyre ka qenë që të kalojnë kufirin shqiptar dhe transit përmes Shqipërisë të shkojnë në ndonjë prej vendeve evropiane.