Një burrë i dyshuar se me thikë e ka vrarë një aktiviste ruse për të drejtat e LGBT, është arrestuar, ndërsa hetuesit përmendin “konfliktet personale” në mes tyre dhe “mënyrën e jetës asociale” të gruas së vrarë.
Elena Grigorijeva (41) të shtunën është gjetur e vdekur në një rrugë të Shën Petersburgut. Miqtë e sajë kanë pretenduar se ka pasur kërcënime për shkak të aktiviteteve të saja.
Këshilli hetues rus ka kumtuar se i arrestuari është i lindur më 1981, se është nga Kirgizia dhe se ka qenë i dënuar edhe më herët.
Në kumtesë shkruan se i dyshuari në gjendje të dehur e ka goditur me thikë gruan tetë herë.
Hetuesit kanë shtuar se gruaja e vrarë ka pasur “jetë asociale” dhe se shpesh ka pirë alkool, madje edhe me të dyshuarin.
Elena Grigorijeva ishte aktiviste lokale e cila ka marrë pjesë rregullisht nëpër tubime për të drejta të LGBT dhe të dënuarve politikë, dhe e kundërshtonte aneksimin rus të Krimesë.
Anëtari i opozitë Dinar Idrisov ka deklaruar se Grigorieva kohë më parë ishte viktimë e dhunës dhe e kërcënimeve./Insajderi.com.
