Elizabetë Qarri, ligjëruese universitare dhe pedagoge e muzikës ka reaguar pasi Serbia paraqiti në UNESCO lahutën si instrument tradicional serb.
“Paraqitja e lahutës shqiptare nga Serbia si instrument tradicional serb, shpërfaqi edhe një padrejtësi ndaj shqiptarëve e cila ditë më parë u përkrah nga Organizata Ndërkombëtare për Edukim Shkencë dhe Kulturë – UNESCO, duke e regjistruar atë në listën e trashëgimisë kulturore të Serbisë, si vlerë botërore.
Është e qartë që në rrethana të tilla, mund të shtrohen pyetje lidhur me përkatësinë etnokulturore të instrumenteve, pasi që instrumente muzikore shumë të ngjashme me lahutën, mund të jenë përdorur edhe në vende të ndryshme të Evropës Juglindore. Por, autenticiteti i lahutës si instrument muzikor është i lidhur eksluzivisht me lashtësinë e popullit shqiptar, për tu përvetësuar më pas edhe nga popuj të ndryshëm përfshirë këtu edhe sllavët”, thuhet në reagimin e Qarrit.
Përmes eposit dhe frymës heroike , lahutarët tanë kanë lartësuar veprat e kolosëve kombëtarë, prandaj nga pikëpamja kulturore mund të themi lirisht që lahuta është një simbol kult shqiptar, i cili nga të parët tanë është përcjell edhe si amanet për të motivuar ruajtjen e heroizmit dhe virtyteve tona të trashëguara ndër shekuj”, shkruan ajo.