Qeveria Kurti anulon vendimin e Haradinajt që i siguronte 50 milionë euro Bechtel Enka-s

Insajderi

Qeveria Kurti anulon vendimin e Haradinajt që i siguronte 50 milionë euro Bechtel Enka-s

Qeveria e Republikës së Kosovës, ka shfuqizuar vendimin e Qeverisë Haradinaj për zgjatjen e afatit të përfundimit të Kontratës për ndërtimin e Autostradës “Arbën Xhaferi”, shkruan Gazeta Insajderi.

Vendimi u mor në mbledhjen e sotme të Qeverisë. Ministri i Infrastrukturës dhe Ambientit, Lumir Abdixhiku ka dhënë mendimin e tij personal se kjo kontratë duhet të anulohet.

Abdixhiku ka thënë se është njoftuar për një urgjencë lidhur me një vendim të qeverisë së re.

Ai ka thënë se në kontratën me Betchtel Enkan është bërë fjalë për punë të reja që nuk ishin paraparë në fillim.T

Tutje, Abdixhiku shtoi se kjo kompani kërkon nga MIT 1.18 milionë euro në muaj dhe se nuk ka marrëveshje të nënshkruar në mes të MIT dhe Bechtel Enka-s..

Ai tha se do të ndërmerren hapat e mëtejme pas shfuqizimit të këtij vendimi.

Mendimin e Abdixhikut e ka mbështetur edhe kryemiistri Kurti.

“Mendimi juaj personal është edhe vendim i imi. Ne duhet ta ndalim këtë gjakderdhje financiare”, tha Kurti.

Kërkesa e Abdixhikut është miratuar pa asnjë votë kundër.