fbpx

Qeveria e Malit të Zi falë tokë me vlerë prej 15 milionë dollarëve për kazermën NATO-s

Ngastrat në të cilat do të ndërtohet kazerma kryesisht janë në pronësi private.

Qeveria e Malit të Zi falë tokë me vlerë prej 15 milionë dollarëve për kazermën NATO-s

Këtë terren e kanë vizituar ministri i mbrojtjes Predrag Boshkoviq dhe shefi i Shtatmadhorisë së Malit të Zi Dragutin Dakiq. Këshilli Suprem i Mbrojtjes ka vendosur që në Andrijevicë të formohet njësiti organizativ i Ushtrisë së Malit të Zi.

Bëhet fjalë për njësitin elitë të këmbësorisë i cili duhet t’i plotësojë standardet e përcaktuara të NATO-s, ka thënë ministri. Është precizuar se njësiti duhet të formohet deri në vitin 2020, dhe deri atëherë duhet të fillojë ndërtimi i objektit.

Pronarët e ngastrave, me dëmshpërblim, do t’i japin pronat e tyre për ndërtim të kazermës, shkruan gazeta  malaziase Vijesti.

Në Andrijevicë nuk e shikojnë të gjithë me simpati ardhjen e NATO-s në këtë rajon, ku kjo aleancë gjatë bombardimeve të vitit 1999 ka vrarë gjashtë njerëz./Insajderi.com.