Ndryshe nga kampionati vendor, ku është duke kryesuar renditjen, Rahoveci në Ligën Ballkanike nuk ka pasur paraqitje të mirë, pasi në katër ndeshjet e deritashme ka pësuar po aq humbje.
“Vreshtarët” të mërkurën janë mposhtur në udhëtim te Vllaznia e Shkodrës me rezultat 68:73.
Colin James Voss me 21 pikë e 9 kërcime dhe Nicholas George Evans 13 pikë e 10 kërcime ishin më të merituarit për fitoren e skuadrës shkodrane, derisa te Rahoveci u dalluan Joshua McFolley me 31 e Javis Howard me 14 pikë.
Pas katër ndeshjeve, Rahoveci është i fundit në tabelë.
Ligës i prin Ibar Rozhajç me 5 pikë, ndërsa Peja është e dyta me katër pikë, aq sa kanë edhe Academic Bultex, Vllaznia e Rahoveci.
Por Peja e Academic Bultex kanë nga dy ndeshje, ndërsa Vllaznia tri e Rahoveci katër.
