Kryeministri i Shqipërisë, Edi Rama, ka deklaruar se është zhgënjyer me gazetën e njohur austriake “DerStandard” lidhur me lajmin e publikuar për dokumentin jozyrtar të quajtur “Non-paper”, ku thuhej se “Rama, së bashku me Vuçiçin dhe lobistët, miratuan ndryshimin e kufijve përgjatë vijave etnike midis Kosovës dhe Serbisë tri vite më parë”, përcjell Insajderi.
Rama në llogarinë e tij në Twitter ka thënë se asnjëherë nuk ka mbështetur ndonjë ndryshim kufiri mes Serbisë dhe Kosovës.
Ai më tej ka akuzuar këtë medie për përhapje të lajmeve të rreme.
“DerStandardat”, çfarë zhgënjimi të shikosh një gazetë me reputacion kaq të lartë që të sillet si përhapës i lajmeve të rreme! Nuk kam thënë asnjë herë ndonjë gjë në lidhje me “non paper-in dhe hartën” dhe kurrë nuk kam mbështetur ndonjë ndryshim kufiri ndërmjet linjave etnike mes Serbisë dhe Kosovës. E turpshme”, shkruan Rama./Insajderi.com
.@derStandardat @webstandardat what a disappointement to see such a highly reputated paper behave like a fake news spreader! I have never said any of it about “non paper&map” and I have never ever endorsed any border drawing along ethnic lines between SRB&KOS! #Embarrassing
— Edi Rama (@ediramaal) May 3, 2021
Prestigjiozja austriake ‘DerSrandard’, më datë 27 prill, kishte publikuar një artikull ku flitej mbi “Non-paper”-in e fundit të dalë në sipërfaqe, shkrim ky në të cilin ka përfshirë edhe kryeministrin e Shqipërisë, Edi Rama, se ka thënë para mediave që ka parë “Non-paper”-in dhe hartat me ndryshimet e propozuara të kufirit.
“Kryeministri shqiptar Edi Rama u tha mediave shqiptare se ai kishte parë letrën jo-letër dhe hartën me ndryshimet e propozuara të kufirit. Vetë Rama, së bashku me Vuçiç dhe lobistë, miratuan vizatimin e kufijve përgjatë vijave etnike midis Kosovës dhe Serbisë tre vjet më parë”, thuhet në këtë shkrim. /Insajderi.com
