Liderët e gjashtë vendeve të Ballkanit Perëndimor janë bërë bashkë sot në Londër ku po marrin pjesë në Samitin e Bankës Europiane për Rindërtim dhe Zhvillim.
Kryeministri i Shqipërisë Edi Rama ka publikuar një video, ku ai shihet duke i shtrënguar duart me pjesëmarrësit e këtij samiti, pjesë e së cilit është edhe kryeministri Albin Kurti dhe homologia e tyre serbe Ana Bërnabiq.
Zëvendëspresidenti i BERZH, Jurgen Rigteri, e ka postuar një fotografi në llogarinë e tij në Twitter, ku ka bërë të ditur se Kryeministri i vendit, Albin Kurti, ka kërkuar reciprocitet dhe njohjen e Pavarësisë së Kosovës nga Serbia.
Ndërsa kryeministrja serbe, Ana Bërnabiq, ka thënë se përmirësimi i tregtisë rajonale është thelbësor për sigurinë në rajon.
Londër – Mikpritja nga Presidenti i BERZH, Suma Chakrabarti përpara fillimit të samitit të Bankës Europiane për Rindërtim dhe Zhvillim, mbi investimet e vitit 2020 në Ballkanin Perëndimor
Gepostet von Edi Rama am Montag, 24. Februar 2020
