Kryeministri Ramush Haradinaj ka vizituar klubin pejan të xhudos “Ipon”.Ai nuk ka hezituar të matë forcat në xhudo me kampionen botërore dhe fituesen e medaljes olimpike, Majlinda Kelmendi.
Haradinaj tha se trajneri Driton Kuka së bashku me ekipin e tij janë ndër vlerat më të çmuara të Kosovës.
Ky është postimi i plotë i Haradinajt në Facebook:
“Klubi pejan i xhudos ”Ipon” e ka bërë krenare tërë Kosovën. Mjeshtri Driton Kuka, me brezin e artë të xhudistëve, që kanë arritur majat botërore, janë ndër vlerat më të çmuara të shtetit tonë të ri. Financimi i palestrës nga Qeveria është përkrahje modeste krahasuar me arritjet brilante të këtij ekipi të madh prirë nga e arta jonë, Majlinda Kelmendi, me të cilen pata një përballje miqësore. Për kontribut të jashtëzakonshëm dhënë sportit nacional, e dekorova Driton Kukën me medaljen Gjergj Kastrioti-Skënderbeu.”