Bashkësia Islame e Kosovës ka dënuar sulmit e djeshëm në Nice të Francës, ku u vranë tre persona nga një sulm me thikë, njofton Insajderi.
Sipas BIK-ut ky është një akt i neveritshëm. Nga kjo bashkësi thonë se marrja e jetës së njeriut si dhe atakimi i objekteve fetare, janë veprim që bien ndesh “me parimet e feve dhe mësimet e pejgambereve”.
Reagimi i plotë:
Sulmi i djeshëm në Nice të Francës është akt i neveritshëm, terrorist, që ka për qëllim frikësimin dhe atakimin e vlerave humane e njerëzore. Bashkëndjejmë dhimbjen me familjarët e viktimave dhe popullin francez. Marrja e jetës së njeriut si dhe atakimi i objekteve fetare, janë veprim që bien ndesh me parimet e feve dhe mësimet e pejgamberëve.
Fetë nuk kanë për qëllim përplasjet, dhunë e tmerret por kanë për qëllim udhëzimin dhe fisnikërimin e popujve dhe shoqërive tona. /Insajderi.com
