Një biznesmene amerikane që ka shprehur publikisht mbështetjen e saj për teorinë konspirative të “QAnon”, ka fituar nominimin nga Partia Republikane për një ulëse në Dhomën e Përfaqësuesve në Shtetet e Bashkuara të Amerikës, shkruan BBC, njofton Insajderi.
Marjorie Taylor Greene tani pritet që të zgjedhet në nëntor për të përfaqësuar distriktin konservator në shtetin e Gjeorgjias dhe kështu do të bëhej e zgjedhura e parë që beson në “QAnon” e që është pjesë e Kongresit.
QAnon është një teori konspirative e përhapur kryesisht në internet e cila thotë se eksiton një “strukturë e thellë” në mes të politikanëve nga Partia Demokratike dhe struktura të tjera shtetërore që po e organizojnë një puç kundër Donlad Trump.
Greene është pjesë e listës që po rritet në mes të Republikanëve që e mbështesin këtë teori konspirative.
Në javët e kaluara, disa rrjete sociale kanë marrë aksione kundër QAnon duke I bllokuar të gjitha llogaritë që kanë lidhje me këtë grup. Twitter i ka bllokuar mijëra llogari që kanë lidhje me të, ndërsa TikTok ka bllokuar edhe mundësinë për të bërë bashkëlidhje “hashtag”, që kanë të bëjnë me QAnon.
Kurse FBI e ka vlerësuar QAnon si kërcënim potencial nga ekstremizmi.
Përveç mbështetjes për këtë grup, Greene është kundër ndalimit të armëve, për ndërtimin e murit me Meksikën dhe kundër abortit.
Gjithashtu ekziston edhe një video ku ajo flet me gjuhë agresive kundër njerëzve me ngjyrë, myslimanëve dhe çifutëve./Insajderi.com
