Instagrami dhe Facebooki, dy rrjetet sociale me përdoruesit më të gjerë shqiptarë, u mbush me flamurin kuq e zi dhe urime për festën e 28 Nëntorit, e një urim nga Rita Ora, si çdo herë nuk do të mungonte edhe këtë vit, njofton Insajderi.
Ajo publikoi disa fotografi në llogarinë e saj në Instagram, ku theks të veçantë u jep çizmeve që ajo kishte veshur, të dekoruara me flamurin shqiptar.
View this post on Instagram
“URIME DITA E FLAMURIT!!!!”, shkruan ajo ku ka bashkangjitur edhe një video teksa performon Shotën së bashku me trupën e vallëzimit kur ishte në Prishtinë. “Urime Dita e Pavarësisë”, shton ajo më tej.
Para këtij postimi, ajo kishte ndarë edhe një postim të fansave të saj, një fotografi e vjetër e saj ku është vetëm një vogëlushe veshur me një jelek me flamurin kuq e zi dhe plis të bardhë. /Insajderi.com
