Roma dhe Manchester United janë në negociata të avancuara për mbrojtësin Chris Smalling, njofton Insajderi.
Por klubi italian ka hapur tjera negociata për një tjetër futbollistë të Unitedit.
Bëhet fjalë për mesfushorin brazilian Fred i cili pëlqehet jashtëzakonisht shumë nga trajneri i Romës, Fonseca.
Fred dhe Fonseca kishin punuar së bashku në Ukrainë te Shakhtar Donetsk dhe trajneri portugez kërkon të ribashkohet me të.
Roma ka kërkuar nga United që të tregojnë për çmimin e brazilianit pasi ata janë gati të shpenzojnë deri në 30 milionë euro për të.
Edhe dëshira e brazilianit është të transferohet në kryeqytetin italian dhe të punoj sërish me Fonsecan.
Fred nuk llogaritet si titullar fiks te Djajtë e Kuq pasi në pozitën e tij preferohen më shumë McTomminay, Pogba e Matic.
Marrëveshja mes klubeve duket se do të arrihet pasi drejtuesit e dy skuadrave kanë krijuar marrëdhënie të mira nga viti i kaluar kur Smalling u huazua te Roma./Insajderi.com
