Ato të vjella të cilat po i publikojnë për shtete dhe diplomatë perëndimorë mediet siç janë Informer, Telegraf, Alo....kjo është në të vërtet ajo çfarë Aleksandar Vuçiq, kryetari i Serbisë mendon për ta... sinqerisht dhe në mënyrë intime.
Kështu që nuk duhet të habisin këto sulme të zyrtarëve serb kundër ambasadorit amerikan për shkak të deklaratës së tij për atë se Kosova është për SHBA shtet i pavarur, vlerëson për gazetën serbe “Danas” Goran Jeshiq, deputet i Partisë Demokratike në Kuvendin e Serbisë, sulmin më të ri të kryetarit dhe kryeministrit të Serbisë si dhe ministrave të qeverisë serbe kundër ambasadorit të SHBA në Beograd Kyle Scott.
“Nga këndi ynë i vështrimit, fjala është për qeverinë e Kosovës, jo për të ashtuquajturën, ne e njohim Kosovën si vend të pavarur dhe sovran, liderët e zgjedhur të Kosovës janë përfaqësues të zgjedhur të Kosovës dhe ne do të bashkëpunojmë me përfaqësuesit e zgjedhur të Kosovës pikërisht ashtu siç bëjmë me përfaqësuesit e zgjedhur të shteteve tjera në këtë rajon”, ka thënë Kyle Scott duke u përgjigjur në pyetje të një gazetari i cili e ka quajtur qeverinë e Kosovës “të ashtuquajtur”.
“Nuk je ti këtu, ambasador, t’i përmirësosh gazetarët, por të përgjigjesh në pyetje”, i “ka urdhëruar” Aleksandar Vuçiq, menjëherë pasi ministri i tij Aleksandar Vulin ka thënë se Serbia nuk është koloni amerikane. Megjithatë, më e ashpër ishte Ana Bërnabiq, e cila ka pretenduar se ambasadori amerikan nuk e di se nëse në takimet e ndërtesës së qeverisë së Serbisë e përdor shprehjen pavarësia e Kosovës, do të përjashtohet nga ndërtesa.
“Kjo është diplomacia serbe në pasqyrimin më të mirë… Kështu ata e udhëheqin dhe e përfaqësojnë shtetin tonë. Ata qetë e pështyjnë ambasadorin, pa kurrfarë turpi…Duan t’i udhëheqin negociatat me Kosovën, megjithëse e dinë shumë mirë se për zgjidhje kompromisi janë më të rëndësishme pajtimet e BE dhe SHBA”, përfundon Goran Jeshiq./Insajderi.com.