Aty ku ka shfaqje të modës, ka edhe protesta. Shumë sfilata mode janë ndërprerë nga protestues të PETA-s, gra topless dhe një mace (shih: modat më të paharrueshme të pasarelave të modës), e fundit është një protestuese e Extinction Rebellion, e cila doli gjatë sfilatës në pasarelën e Dior 2021 në Paris me një pankartë që shkruante: Të gjithë ne jemi viktima të modës ”.
Duke qenë se drejtoresha kreative e Dior Maria Grazia Chiuri shpesh e përdor pasarelën si një platformë për mesazhet e aktivistëve, të pranishmit nuk ishin të sigurt nëse momenti ishte planifikuar apo jo. Sezonin e kaluar, sfondi i pistës përfshinte shenja që thoshin gjëra si “Patriarkia = CO2” në dritat neoni.
Por një deklaratë zyrtare nga Extinction Rebellion ka konfirmuar rolin e organizatës në ndërprerjen e sfilatës, e cila është pjesë e fushatës së saj Fashion Act Noë, duke i bërë thirrje industrisë së modës të adresojë kulturën e saj të teprimit.
“Unë e ndërmora këtë veprim për të deklaruar që ne të gjithë jemi viktima të sistemit të modës. Ndërsa bota po vuan nga një pandemi dhe një emergjencë klimatike, Dior vazhdon të ushqejë këtë kulturë që po shkakton dëme të tmerrshme mjedisore dhe sociale në planet, njerëz dhe kafshë “, tha protestuesja pa emër në një deklaratë.
“Java e Modës është një javë turpi; pasarelat nuk kanë vend në emergjencën e klimatike që është duke ndodhur. Zgjidhja e vetme në këtë fazë të krizës klimatike është të prodhojmë më pak. Qeveritë tona duhet të vendosin kufij në këtë industri shkatërruese, “shtoi ajo./Insajderi.com
Burimi: Dazed Magazine
