Xherdan Shaqiri padyshim se ishte një prej transferimeve më të qëlluara të verës.
Futbollisti nga Zhegra e Gjilanit, që kaloi nga Stoke City te Liverpooli në afatin kalimtar veror, është shndërruar në një nga lojtarët kyç të Liverpoolit.
Shaqiri, që iu desh të luftojë për një vend në formacion, tashmë ka filluar të fitojë besimin e trajnerit Jurgen Klopp, përcjell Insporti.
Anësori i kombëtares së Zvicrës, ishte heroi i të kuqve ndaj ‘Djajve të Kuq’, në derbin e madh të Anglisë, ku i shënoi dy gola.
27-vjeçari në Premierligë ka qenë mjaft produktiv, me 6 gola e 2 asiste në 16 paraqitje, kurse në total ka 6 gola e 3 asiste në 20 ndeshje.
Në faqen zyrtare të Sky Sports në ‘Twitter’, është postuar një anketë ku mund të votohet për transferimin e verës me më së shumti ndikim deri tani.
Përveç Shaqirit, aty janë edhe portieri i Liverpoolit, Alisson, mesfushori i Leicesterit James Maddison, si dhe Lucas Torreira i Arsenalit.
Për Shaqirin mund të votoni në linkun më poshtë. /Insporti.com
VOTE: Which @premierleague summer signing has made the biggest impact so far?
— Sky Sports News (@SkySportsNews) January 7, 2019
