Departamenti amerikan i Shtetit ka thënë se nuk ka prova që vërtetojnë pretendimet e Serbisë se dy shtetas të saj janë vrarë nga një sulm ajror në Libi, javën e kaluar.
“Deri më tash nuk kemi asnjë informacion të besueshëm se ata janë vrarë në sulmin që kemi kryer ne”, ka thënë zëdhënësi i Pentagonit, Jeff Davis.
Sulmi ka ndodhur më 19 shkurt.
Zyrtarët amerikanë kanë thënë se ai ka vrarë dhjetëra njerëz dhe se ka pasur në shënjestër operativin e lartë të Shtetit Islamik, Nureddine Chuchane, i cili është fajësuar për dy sulme terroriste në Tunizi, vitin e kaluar.
Ministri i Jashtëm serb, Ivica Daçiq, dhe kryeministri i Serbisë, Aleksandar Vuçiq, kanë thënë se dy pjesëtarë të stafit të ambasadës së tyre, që janë rrëmbyer në Libi në muajin nëntor, besohet se janë vrarë në sulm.
