Philip Kosnett, ambasador amerikan i Shteteve të Bashkuara të Amerikës, ka përgëzuar Kosovën për anëtarësimin në Iniciativën e Thirrjes Globale për Veprim për Fuqizim Ekonomik të Grave.
Kjo organizatë udhëhiqet nga Shtetet e Bashkuara të Amerikës, njofton Insajderi.
Përmes Twitter, Kosnett, tha se gratë në Kosovë kanë dhënë kontribut të rëndësishëm për qeverinë e shoqërinë.
“Ne e përgëzojmë Kosovën për anëtarësimin në këtë nismë. Gjatë historisë së Kosovës, udhëheqëset femra kanë dhënë kontribut të rëndësishëm për qeverinë dhe shoqërinë. Sidoqoftë, mbetet shumë punë për t’u siguruar që gratë mund të participojnë në ekonomi plotësisht dhe lirisht”, ka shkruar Kosnett. /Insajderi.com
We commend 🇽🇰 #Kosovo for joining the 🇺🇸 U.S.-led #C2A4Women initiative. Throughout Kosovo’s history, female leaders have made significant contributions to the government and society. However, much work remains to ensure women can fully & freely participate in the economy. https://t.co/JRbMD68b3B
— Ambassador Philip S. Kosnett (@USAmbKosovo) October 26, 2020