Ka vazhduar përplasja në distancë mes partnerëve të koalicionit qeverisës, ku Ardita Dushi, shefe e kabinetit qeveritar të kryeministrit Avdullah Hoti, ka reaguar ndaj ministrit të drejtësisë, Selim Selimi, njofton Insajderi.
Ministri i Drejtësisë, Selim Selimi, nga radhët e AAK-së, ditë më parë e ka kritikuar kryeministrin Hoti se nuk e kishe përfshirë në takim me presidentin serb Alekasndër Vuçiq.
Lidhur më këtë akuzë të AAK-së, për anashkalim të partnerit të koalicionit nga ana e kryeministrit Hoti, sot ka reaguar shefja e kabinetit të tij, Ardita Dushi.
Dushi, në rrjetin e saj social, Facebook, ka postuar një fotografi të kryeministrit Hoti me ministrin e drejtësisë, Selim Selimi, ku shihen duke u konsultuar.
Fotografia ishte bërë tri ora para takimit mes Avdullah Hotit dhe Aleksandër Vuçiq.
Dushi, fotografisë në fjalë i ka shtuar mbishkrimin “3 orë përgatitje dhe dakordime mbi parimet, Bruksel 16.07.2020”, duke lënë të nënkuptohet kështu që, akuza të llojit se Hoti po anashkalon partnerët e koalicionit, nuk qëndrojnë./Insajderi.com
