Cila kafshë mendoni se është më e zgjuara? Është një pyetje e vështirë, natyrisht, sepse kafshë të ndryshme janë të mira në detyra të ndryshme. Pikërisht për këtë arsye, studiuesit japonezë kohët e fundit kanë vendosur të riformulojnë pyetjen dhe të zbulojnë se cilat kafshë janë më të mira se të tjerat në një nga shkencat më komplekse: fizikë. Dhe përgjigjja doli të ishte e lezetshme dhe me gëzof – janë macet!
Testi klasik i aftësisë së një kafshe për të gjetur një lidhje logjike midis ngjarjeve është mjaft e thjeshtë, shkruan Bright Side, transmeton Insajderi.
Së pari, kafshës i tregohen dy tasa, njëra bosh dhe tjetra e mbushur me ushqim. Pastaj tasat fillojnë të lëvizin dhe më në fund fshihen pas një perde. Detyra për kafshën e testuar është të mendojë se ushqimi do të shfaqet në anën tjetër të perdes dhe do të vrapojë drejt pjatës.
Shumë kafshë dështuan në këtë provë të thjeshtë, përfshirë zogjtë, zvarranikët, madje edhe të afërmit tanë të largët – majmunët.
Për macet, megjithatë, shkencëtarët e bënë detyrën edhe më të vështirë. Subjektet e provës duhet të lidhnin burimin e një tingulli me një objekt të supozuar brenda një kutie gjysmë transparente me një vrimë në të.
Kutia lëshonte një shushurimë herë pas here, megjithatë nuk kishte asgjë brenda saj. Kjo bëri që macet të fillonin të eksploronin kutitë, t’i preknin me putrat. Doli që macet ishin në gjendje të lidhnin tingullin me kutitë edhe nëse nuk dilte asnjë objekt.
Ky eksperiment provoi se macet kanë një kuptim shumë të zhvilluar të lidhjeve shkak-pasojë, të cilat qëndrojnë në bazën e të gjitha ligjeve të fizikës. /Insajderi.com
