Kryetari i Prishtinës dhe PSD-së, Shpend Ahmeti ka komentuar krijimin e Ushtrisë së Kosovës, e cila pritet të bëhet nesër.
Përmes një postimi në rrjetin social Facebook, Ahmeti ka thënë se pak gjëra ndryshojnë brenda natës.
I pari i Prishtinës ka shtuar se përkundër kësaj, “transformimi i FSK-së, ka rëndësi politike në fuqizimin e sovranitetit të shtetit”
“Transformimi i FSK përmes ligjit mund të konsiderohet ndryshim simbolik në terren sepse pak gjëra ndryshojnë brenda natës. Megjithatë ka rëndësi politike në fuqizimin e sovranitetit të shtetit tonë.
Sic u tha nga disa nga ambasadorët e kuintit “ky është vendim SOVRAN i Republikës së Kosovës”, ka shkruar Ahmeti.
