Një shtrëngatë e fuqishme e shoqëruar me erëra të forta, shi dhe bubullima, ka përfshirë mbrëmë Velipojën.
Shtrëngata që ka filluar rreth orës 23:50 minuta ka zgjatur rreth 1 orë, duke shkaktuar panik tek pushuesit.
Si pasojë e erërave të fuqishme është ndërprerë energjia elektrike, ndërsa janë rrëzuar edhe lisa dhe pemë duke rrezikuar jetën e pushuesve.
Banorë të këtushëm thonë për Ekonomia Online se një shtrëngatë e tillë nuk mbahet mend në 5 dekadat e fundit.
Mot i vranët me reshje dhe erëra po mbretëron edhe gjatë ditës së sotme. Plazhet tashmë janë gjysmë të zbrasura/EO.
