Zëvendëskryeministri i Kosovës Enver Hoxhaj i cili në seancën e jashtëzakonshme, ku po debatohet lidhur me raportin e Progresit tha se Qeveria në njërën nga mbledhjet e saj do të reflektoj për raportin në fjalë. Ndërsa tha se raporti bënë një vlerësim të saktë të gjendjes në të cilën gjendet Kosova.
Ai tha se ky raport e konfirmon atë lajmin e shumëpritur nga qytetarët e Kosovës, sa i takon vlerësimit për procesin e liberalizimit të vizave. Edhe pse procesi i liberalizimit të vizave sipas tij, nuk është punë kryesore e këtij raporti.
Deputeti Ilir Deda tha se raporti godet rëndë realitetin e seancës së sotme, në të cilën munguan një pjesë e madhe e kabinetit qeveritar.
Deda po ashtu foli dhe për platformën për dialogun me Serbinë, duke pohuar se Hashim Thaçi nuk do ta ketë përkrahjen e Kuvendit dhe as nuk do ta udhëheq këtë dialog.
Kritikave të deputetit Ilir Deda, iu përgjigj zëvendëskryeministri Enver Hoxhaj. Disa nga ato që tha Deda, Hoxhaj i quan përralla. Shefi i GP të LDK-së Avdullah Hoti tha se Kosova nuk i ka dërguar Brukselit asnjë sinjal bindës se është serioze për kryerjen e obligimeve .
Ndërkaq deputetja nga radhët e PDK-së Blerta Deliu –Kodra, tha se seanca për raportin e Progresit është e ngutshme, pasi që raporti ende nuk e ka përkthimin zyrtar në gjuhen shqipe. Ndërsa e quajti raport të arsyeshëm dhe objektiv. Sipas tij ky raport ka njohur dhe progresin e institucioneve të republikës së Kosovës, sa i përket luftimit të krimit të organizuar dhe korrupsionit.
Deputeti nga radhët e VV-së Glauk Konjufca tha se raporti duhet të jetë një lloj alarmi, i cili duhet t’i vejë në lëvizje të gjithë.
Për Dardan Sejdiun, shqetësues mbetet fakti që një pjesë e deputetëve nuk e dinë gjuhen angleze dhe se nuk e kanë kuptuar raportin. Andaj kjo seancë sipas tij ka qenë e ngutshme.
Albulena Haxhiu u arsyetua me thirrjen e seancës kaq shpejt ende pa u përkthyer materiali i këtij raporti në gjuhën shqipe. Ajo tha se për këtë duhet të kritikohet Ministria e Integrimeve, e jo ata që kanë thirrur seancën.
E mos përkthimi në gjuhen shqipe, i raportit të progresit, edhe për Xhavit halitin, është shkelje e së drejtës së deputetëve.
