Nga sondazhet e fundit, po del se pjesa më e madhe e qytetarëve kanë një besueshmëri të vogël për punën e qeverisë dhe presidentit.
Kjo është dëshmuar nga një sondazh që është realizuar nga Instituti Slloven për Studime Ballkanike dhe të Lindjes së Mesme (IFIMES).
Mbi 72% e qytetarëve janë shprehur se nuk janë të kënaqur me punën e presidentit deri më tani.
16% janë përgjigjur pozitivisht, kurse 11.6% kanë qenë të pavendosur.
Më mirë në këtë sondazh nuk është as Qeveria e Kosovës.
71.5% e qytetarëve janë përgjigjur negativisht, kur janë pyetur për punët që ka kryer ekzekutivi.
19.1% janë shprehur të kënaqur, e 9.4% tjerë kanë qenë të pavendosur.
Ndryshe në këtë sondazh, qytetarët janë pyetur edhe për partinë që do ta votonin nëse do të mbaheshin nesër zgjedhjet.
Sipas këtyre rezultateve LDK-ja do të ishte e para me 28.3%, VV-ja e dyta me 23.1% dhe PDK-ja e treat me 22.9%. /Insajderi.com