Seria e dytë e “His Dark Materials” është mirëpritur nga kritikët, por shumë kanë thënë që është më e dobët se e para.
Episodi i lansimit të sezonit të dytë, i titulluar The City of Magpies, u shikua nga një mesatare prej 4.4 milion shikues të dielën në mbrëmje.
Ed Cumming i Independent tha: “Duket shkëlqyeshëm, është bërë me forcë dhe ka aktorë të shkëlqyeshëm kudo, të cilët zhvillohen në universe të ndërtuara mire”.
“Por kjo nuk frymëzon aq shumë çudi sa duhet.”
Në një recension të vlerësuar me tre yje, ai shtoi: “Shikuesit që kanë investuar në seri nuk do të ndalen tani. Për një seri rreth botëve magjike, drejtuar shikuesve më të rinj, megjithatë, nuk ka magji aq sa duhet.”
Cumming tha se disa elementë të librave kishin humbur ndërsa ishin adaptuar për dramën e BBC One.
“Daemonët kurrë nuk e përsërisin mjaft humorin dhe vetëbesimin që ata përçojnë në libra. Është një mundësi e humbur: çfarë pajisje më të mirë mund të ketë për të përfaqësuar zërin e brendshëm romancier në ekran?”
E vendosur në një realitet alternativ – qyteti i shkretë i Cittagazze – drama bazohet në Thikën e Hollë, librin e dytë në trilogjinë e Pullman.
Në versionin e Britanisë të përshkruar në seri, çdo personazh shoqërohet nga një demon – një manifestim fizik i shpirtit të tyre që merr formën e një kafshe.
Seria e dytë e His Dark Materials u filmua në të njëjtën kohë me të parën, dhe për këtë arsye nuk u prek nga pandemia e Covid-19.
Sidoqoftë, një episod shtesë i pavarur i cili do të xhirohej në fillim të këtij viti duhej të hiqej./Insajderi.com
BBC News
