Ndonjëherë imagjinojmë sikur fitojmë lotarinë, duke menduar se jeta jonë do të jetë një ëndërr. Sidoqoftë me shumë të mësha parash, vijnë edhe përgjegjësi të mëdha dhe jo shumë njerëz janë të gatshëm për to.
Mickey Carroll, 10 milionë paund
Në vitin 2002, një 19 vjeçar skocez që pastronte plehra fitoi mbi 10 milionë paund. Bleu stoli të pafundme prej ari, një shtëpi luksoze 700,000 paund me një pishinë dhe filloi të organizonte festa, shkruan Bright Side, transmeton Insajderi.
Pas disa vjetësh shpenzime të pamenduara, paratë mbaruan dhe atij iu desh të shiste shtëpinë 100,000 paund vetëm për të paguar borxhet e tij. Mickey tani është duke punuar përsëri si një pastrues dhe duke bërë punë riparimi. Por siç thotë ai vetë, “nuk jam penduar”.
Karl Crompton, 11 milionë paund
Në vitin 1996, Karl Crompton fitoi një shumë prej rreth 11 milion paundësh dhe pati vëmendje të madhe mediatike. Ai kishte pamjen e një playboy dhe udhëhoqi jetën e një ylli rock, duke blerë gjëra luksoze dhe duke organizuar festa. U cilësua një nga beqarët më të kualifikuar në Mbretërinë e Bashkuar.
Por, ai u tregua i mençur me financat e tij. Karl investoi pjesën tjetër të saj në pasuri të paluajtshme dhe përfundimisht dyfishoi pasurinë e tij. Ai tani është martuar me shoqen e tij të klasës; jetojnë në shtëpinë e tyre të madhe dhe janë plotësisht të lumtur.
David Ashcroft, 12 milionë paund
30-vjeçari, restaurues i mobileve, David Ashcroft gjithashtu u bë një nga personat më të njohur në Britani, megjithëse për arsye të ndryshme: pasi fitoi lotarinë në vitin 1997, ai kurrë nuk ndryshoi një gjë të vetme në jetën e tij.
E vetmja gjë që bëri me paratë ishte të blinte për vete një kamion për punë, një sedan Mitsubishi, një rimorkio për prindërit e tij dhe ai bëri disa riparime në verandën e tij.
Kishte një Ferrari, por ai ua dha të afërmve të tij. Gazetat e quajtën Ashcroft “milionerin e fshehtë” dhe ende po e shikojnë nga afër për ndonjë aktivitet të parave. Por lajmi i fundit në vitin 2013 ishte se ai ndryshoi dritaret në shtëpinë e tij.
Brad Duke, 220 milionë dollarë
Brad Duke nga Idaho, qëndronte mirë financiarisht edhe para se të fitonte: ai zotëronte 5 qendra fitnesi të Gold Gym. Në 2005, pasi kishte fituar lotarinë, ai tha se do të donte të mblidhte 1 miliard dollarë dhe të ndihmonte të tjerët.
Brad i qëndroi besnik fjalës së tij dhe investoi pasuri të paluajtshme ndërsa ende administronte palestrat e tij dhe bënte punë bamirësie. Ai nuk e ka fituar ende miliardin e tij, por ai e ka dyfishuar kapitalin e tij dhe ai dëshiron të shkruajë një libër për këtë kur të arrijë qëllimin. “Do të doja të bëja gjënë e duhur me këto para dhe të ndaja përvojën time me të tjerët”.
Andrew J. Whittaker Jr., 314 milionë dollarë
Kur Andrew “Jack” Whittaker fitoi çmimin e parë të lotarisë Powerball, të gjithë menduan se ai do të ishte në gjendje të rrisë fondet e tij dhe të lulëzonte sepse vetë kompania e tij e ndërtimit vlerësohej në 17 milionë dollarë.
Në fillim gjithçka shkoi mirë: Jack dha 10% të fitimeve të tij për bamirësi dhe bleu një shtëpi dhe një makinë për shitësin që i shiti biletën me fat.
Por më pas ai filloi të pinte dhe të luante bixhoz, duke shpenzuar shuma të mëdha parash. Së pari, grabitësit morën 500,000 dollarë nga makina e tij. Pastaj dikush pastroi llogaritë e tij bankare duke falsifikuar çeqet. Në vitin 2016, shtëpia e pasiguruar e Jack u dogj. Si rezultat, në 4 vjet, Whittaker mbeti me xhepa bosh dhe një borxh prej 1.5 milion dollarë në një kazino. /Insajderi.com
