Artisti Vincent van Gogh ka të ngjarë të ketë përjetuar dy episode deliri të shkaktuara nga heqja dorë nga alkooli, ka treguar hulumtimi i ri.
Piktori post-impresionist, i njohur për vepra të tilla si Sunfloëers dhe Starry Night, preu veshin e majtë të tij gjatë një debati.
Van Gogh e quajti episodin si “një periudhë e çmendurisë së një artisti të thjeshtë” dhe më vonë një “ethe mendore ose nervore”.
Por kërkimet në Hollandë kanë hedhur dritë të re mbi gjendjen e tij mendore.
Ekspertët në Qendrën Mjekësore Universitare Groningen zhvilluan një ekzaminim psikiatrik bazuar në qindra letra që ai shkroi – shumica drejtuar vëllait të tij të dashur, Theo si dhe të dhënave ekzistuese mjekësore.
Ata zbuluan se artisti ndoshta përjetoi dy episode deliri të shkaktuara nga alkooli pasi preu veshin.
Por, pasi pacienti në këtë rast nuk mund të intervistohej, studiuesit theksuan se përfundimet e tyre duhet të trajtohen me kujdes.
Van Gogh mendohet të ketë vuajtur nga një kombinim i çrregullimeve psikiatrike, me shumë gjasa personaliteti bipolar dhe borderline, por sëmundjet e tij të dyshuara nuk janë diagnostikuar kurrë.
Sipas këtij studimi të ri, nuk ka gjasa që piktori holandez të ketë patur skizofreni.
Krijimtaria e Van Gogh-ut nganjëherë i atribuohet çështjeve të tij të shëndetit mendor, por ekspertët e artit argumentojnë se arritjet e tij ishin të rrënjosura në aftësitë e zanatit të tij, të cilat ai punoi shumë për t’i zhvilluar gjatë shumë viteve.
Në fakt, ai rrallë ka punuar gjatë periudhave të psikozës.
Pavarësisht trazirave të tij të brendshme, Van Gogh ishte thellësisht i motivuar për të vazhduar pikturën dhe ai përshkroi “miqësitë e thella” si ilaçin e tij të vetëm.
Ai vdiq më 29 korrik 1890, vetëm dy ditë pasi u përpoq të merrte jetën e tij./Insajderi.com
BBC News
