Njëri prej emrave më të jashtëzakonshëm në botën e futbollit, 11 vjet më parë pati pranuar të bashkohet me klubin mbretëror.
Për një shumë prej 94 milion euro kaloi nga Manchester United në Real Madrid duke u bërë futbollisti më i shtrenjtë.
Blerja e Ronaldo pati ndikim të jashtëzakonshëm te klubi spanjoll, ku veç të hyrave, përfitimet financiare nga blerja e tij ishin marramendëse.
Në pak ditë, rreth 100 milion euro u shitën vetëm fanella me emrin e tij.
Për 9 vjet qëndrim në Real, Ronaldo shënoi më shumë gola se sa luajti ndeshje.
438 ndeshje, 450 gola, 138 asistime, 4 Topa të Artë, 4 Liga të Kampionëve janë vetëm disa nga statistikat e jashtëzakonshme të tij.
Sivjet, sulmuesi i Juventus është sportisti më i paguar në botë me 105 milion në 12 muaj, kurse zyrtarisht u bë futbollisti i parë miliarder (të hyra nga futbolli). / Insajderi.com
