Me datë 29 janar 1999 në Rogovë të Hasit, u vranë 26 persona, ndër ta 9 civilë, anëtarë të familjeve Morina, Shala, Kryeziu dhe Berisha, përcjell Insajderi.
Me rastin e 20 vjetorit të kësaj ngjarje, FDH Kosovë organizon ligjëratën informative rreth ndodhive të asaj dite, ku do të përkujtohen ngjarjet dhe viktimat e krimeve të luftës.
Të gjeturat dhe faktet që do të prezantohen janë të bazuara në deklaratat e dëshmitarëve okularë, familjarëve të viktimave dhe të gjeturave nga Tribunali i Hagës.
Ligjërata mbahet në gjuhen shqipe dhe ka përkthim simultan në gjuhen angleze dhe serbe ndërsa fillon nga ora 17:00./ Insajderi.com