Anëtarët e Kryesisë së Kuvendit të Kosovës do të mblidhen të hënën në orën 12:00 për të diskutuar pikat e rendit të ditës dhe përgatitjet për seancën e re plenare.
Ndër këto pika, hyn interpelanca me ministrin e Financave, Punës dhe Transfereve, Hekuran Murati, për faljen e gjobave ndaj bizneseve të prekura nga pandemia.
Ky është rendi i ditës:
I. Miratimi i procesverbali të mbledhjes së mëparshme të Kryesisë së Kuvendit,
II. Përgatitjet për Seancë plenare:
- Deklarimet jashtë rendit të ditës,
- Pyetjet parlamentare,
- Miratimi i procesverbalit nga seanca e mëparshme,
- Interpelancë me ministrin e Financave, Punës dhe Transfereve, Hekuran Murati për çështjen “Falja e gjobave bizneseve të prekura nga situata me COVID-19”,
- Votimi i propozim-vendimit për ndryshimin dhe plotësimin e vendimit nr. 08-V-006, dt. 02.04.2021 për formimin e komisioneve parlamentare,
- Shqyrtimi i raportit vjetor të Agjencisë për Informim dhe Privatësi për vitin 2020,
- Debat parlamentar në lidhje situatën ekonomike si pasojë e pandemisë COVID-19,
- Propozimi i një kandidati për gjyqtar në Gjykatën Kushtetuese të Republikës së Kosovës,
III. Shqyrtimi i propozimeve dhe kërkesave. /Insajderi.com