Komisioni Qendror i Zgjedhjeve do të organizojë sot tërheqjen e shortit për renditjen e subjekteve politike në fletëvotimin e zgjedhjeve të jashtëzakonshme parlamentare të 14 shkurtit, njofton Insajderi.
Këtë e ka bërë të ditur, zëdhënësi i KQZ-së, Valmir Elezi, nëpërmjet një njoftimi për medie.
“Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotimin e zgjedhjeve të parakohshme për Kuvendin e Republikës së Kosovës, të cilat do të mbahen më 14 shkurt 2021, ora 10:00”, ka thënë ai.
Pas tërheqjes së shortit për renditjen e partive politike, më datën 2 shkurt pritet zyrtarisht të fillojë fushata për zgjedhjet e 14 shkurtit. /Insajderi.com
