fbpx

Stresi nga burgu dedikon një postim të ëmës për ditëlindje

Stresi nga burgu dedikon një postim të ëmës për ditëlindje

Janë bërë të zakonshme postimet në Instagram të reperit Stresi, i cili ndodhet në burgun e Fushë-Krujës pasi u arrestua dy muaj më parë për trafik droge dhe armëmbajtje pa leje.

Por postimi i fundit ka të bëjë me të ëmën e tij, e cila feston ditëlindjen. Stresi ka publikuar një pjesë të shkëputur nga performanca e tij në “Këngën Magjike”, para se të arrestohej.

Kënga kushtuar të ëmës i emocionoi të gjithë në atë kohë dhe sigurisht nënën e tij, e cila ishte e pranishme në momentin e performancës. Por duke qenë se Stresi nuk mundi të merrte pjesë në festival, ku besohej se do të bënte urimin për të shtrenjtën e tij, ai e ka uruar atë nga qelia, përmes këtyre fjalëve:

“E shtrenjta ime mom, gëzuar ditëlindjen! Megjithëse nuk jam pranë teje sot fizikisht, me shpirt më ke gjithmonë pranë, ti e di që je dashuria ime më e madhe që unë kam”.