Elita e futbollit kosovar do të vazhdoj ditën e diel me tri ndeshje të tjera të javës së parë.
Ditën e sotme do të zbarkojnë gjashtë skuadra të tjera në fushë për të nisur edicionin e ri në Superligë.
Padyshim që vëmendja e adhuruesve të futbollit kosovar do të jetë në qytetin e Gjilanit, ku Drita do të pres Ferizajn.
Ish-kampioni i Kosovës është përforcuar dukshëm dhe ka për synim ta nis kampionatin me fitore.
Në anën tjetër edhe Ferizaj nuk ka qëndruar duarkryq pasi është skuadra më e përforcuar dhe ka në radhët e veta trajnerin Bekim Isufi.
Interesant pritet të jetë edhe në Mitrovicë, ku Trepça ’89 pret Gjilanin e shumë përforcuar.
‘Minatorët’ janë skuadra me më së paku përforcime vetëm katër, ndërsa Gjilani do t’i ketë 13 futbollistë debutues këtë kampionat.
Ndeshja e tretë e ditës së sotme do të zhvillohet pas një kohe të gjatë në Klinë.
Dukagjini i rikthyer në elitën e futbollit kosovar është nikoqir i Ballkanit të Ismet Munishit.
Të tria takimet fillojnë nga ora 17:00.
