Kryetari i Komunës së Vushtrrisë, Xhafer Tahiri, është shprehur i lumtur që Kuvendi Komunal i ka dhënë dritën jeshile propozimit të tij për të mbështetur të porsalindurit me pako në shumë prej 120 eurosh.
“Jam i lumtur që Kuvendi i Komunës ka aprovuar propozimin tim për mbështetjen e familjeve me fëmijë të porsalindur. Ky është lajm i mirë për të gjitha familjet e reja në qytetin tonë. Falënderoj asambleistët për votimin e këtij propozimi”, ka shkruar Tahiri.
Ai në rrjetin social ‘Facebook’ ka humbuar edhe partitë e tjera, përfshirë partnerin e koalicionit për “rrahagjokësi” e marrje meritash për këtë vendim.
“Në këto raste kaq të rëndësishme për qytetarin, konsideroj që rrahagjokset partiake të cilitdo për ndonjë votë, përfshirë partnerin e koalicionit, janë të panevojshme sepse Komuna është e qytetarit, jo e partisë politike”, ka shkruar tutje ai.
“Jam i përkushtuar dhe jam zotuar që të punoj për të gjithë qytetarët pa dallim partie politike, fundja të porsalindurit nuk kanë parti, por kanë shtet e qytet”, ka shtuar ai.
