Në goditjen e tajfunit Hagibis në Japoni kanë humbur jetën 70 persona, ndërsa edhe 15 të tjerë po llogariten si të zhdukur, ka kumtuar sot televizioni NHK bilancin e ri të viktimave.
Më shumë se 200.000 shpëtimtarë po marrin pjesë në kërkim të mbijetuarve në rajonin e goditur.
Tajfuni ka shkaktuar rrëshqitjet e dheut në të cilat është shkatërruar një numër i madh i shtëpive.
Tajfuni Hagibis e ka goditur të shtunën rajonin në jug të Tokios.
Në pjesët qendrore dhe veriore të Japonisë moti i keq është përcjellë me shira të mëdha dhe erëra të forta./Insajderi.com.