Të enjten në Gjykatën Themelore në Prishtinë do të mbahet seanca gjyqësore në të cilën vendoset në lidhje me vendimin e Arbitrazhit që Telekomin e detyron t’ia paguajë mbi 30 milionë euro kompanisë Z-Mobile.
Një gjë të tillë e ka konfirmuar për Kohën Ditore zëdhënësja e Gjykatës Themelore në Prishtinë, Mirlinda Gashi.
“Ju njoftojmë se seanca në mes të propozuesit Dadafon.net. LLC, dhe Kundër propozuesit Telekomi i Kosovës SH.A, është caktuar të mbahet me datën 31.01.2019 në ora 13.00”, ka thënë Gashi për gazetën.
Rreth katër vjet me parë, “Z-Mobile” (Dardafon) iu drejtua Arbitrazhit pasi pretendonte se Telekomi i Kosovës kishte shkelur marrëveshjen pasi refuzonte t’i ndante numra shtesë dhe të ofronte shërbime 3G dhe 4G.
Për këtë çështje në fund të vitit 2016 pati vendosur Tribunali i Arbitrazhit pranë Odës Ekonomike Ndërkombëtare, e cila e obligonte Telekomin të paguante mbi 30 mijë euro gjobë për shkak të shkeljes se marrëveshjes.
