Tensione të mëdha ka pasur në mes Pekinit zyrtar dhe Londrës zyrtare.
Kina ka parlajmëruar Britaninë e Madhe se do të ketë pasoja nëse vazhdon të shkojë, sipas tyre “në rrugën e gabuar” në qasjen e saj ndaj situatës në Hong Kong,
Të hënën, Britania e Madhe pezulloi traktatin e saj të ekstradimit me Hong Kongun mbi një ligj të ri të sigurisë për ish-koloninë, e cila i jep Pekinit më shumë fuqi në Hong Kong.
Si përgjigje, ambasadori kinez në Londër tha se Mbretëria e Bashkuar “kishte ndërhyrë në mënyrë të qartë” në çështje e brendshme të Kinës.
Ambasadori kinez, Liu Xiaoming, tha se “Kina kurrë nuk ka ndërhyrë në punët e brendshme të Britanisë dhe për këtë Britania e Madhe duhet të bëjë të njëjtën gjë në raport Kinën, të mos ndërhyjë në çështje e brendshme në Kinë.
Kryeministri brinanik, Boris Johnson, në fillim të muajit korrik u zotua të ju ofrojë tre milion banorëve të Hong Kongut mundësinë për t’u vendosur në Britaninë e Madhe, duke i lejuar ata që të aplikojnë për nënshtetësinë britanike, raporton BBC, transmeton Insajderi.com.
Lëvizjet erdhën pasi Pekini futi ligjin e ri të diskutueshëm të sigurisë në fund të qershorit, duke krijuar vepra penale që mund të ndikojnë që banorët e Hong Kongut të dërgohen në territorin e Kinës për gjykim. Kritikët thonë se ndëshkimet mund të jenë të rrepta për protestuesit e Hong Kongut.
Tensionet midis Londrës dhe Pekinit janë rritur, pasi qeveria e Britanisë së Madhe ka njoftuar se do të kërkojë heqjen e teknologjisë kineze nga rrjeti i lëvizshëm i Mbretërisë së Bashkuar 5G. /Insajderi.com/
