Pas tronditjes së fortë të parë, pasuan edhe tetë tjera me intensitet më të dobët. Të lënduar 13 persona, janë dëmtuar ndërtesat, shkollat janë mbyllur...
Një tërmet e goditi krahinën verilindore turke Adiyaman të martën në mëngjes ku janë lënduar 13 persona, ndërsa ndërtesat janë dëmtuar në masë të madhe, ka publikuar agjencia turke e lajmeve Anadolya.
Byroja gjeologjike amerikane (USGS) ka lajmëruar se tërmeti ishte me fuqi prej 5,2 shkallëve të Rihterit dhe ndodhi në thellësi prej 10 kilometrave në orët e hershme të mëngjesit.
Anadolya ka transmetuar se 13 persona janë transportuar në spital, por se gjendja e tyre nuk është e rëndë.
Fotografitë e postuara nëpër rrjete sociale tregojnë dëmtime të mëdha në shumë shtëpi.
Pas tërmetit pasuan edhe tetë tërmete më të dobëta, transmeton Anadolya.
Shkollat janë mbyllur, lajmërojnë mediet./Insajderi.com.
