Sot në fshatin Krojmir të Komunës së Lipjanit është përkujtuar në 20 vjetorin e rënies dëshmori Halil Meta.
Në këtë ditë Presidenti i Kosovës, Hashim Thaçi e ka dekoruar dëshmorin me urdhrin “Hero i Kosovës”, transmeton Klan Kosova.
Ka qenë këshilltari i Thaçit, Ismail Syla që ia ka dorëzuar dekoratën babait të dëshmorit, Nezir Metës dhe të birit të tij, Arbnor Metës.
Ndarja e dekoratës është bërë gjatë manifestimit në Krojmir ku është shënuar edhe dita e shkollës së këtij fshati.
