Një person është therur me thikë gjatë një rrahje që ka ndodhur të mërkurën rreth orës 17:00 në “Lagjen e Spitalit” në Prishtinë, njofton Insajderi.
Viktima është dërguar në Qendrën Klinike dhe Universitare të Kosovës, për trajtim mjekësor.
Rastin për Insajderi-n e ka konfirmuar zëdhënësi i Policisë së Kosovës për rajonin e Prishtinës, Agron Borovci.
“Sot rreth orës 17:00 kemi pranuar informatën për një rrahje në progres në Lagjen e spitalit në Prishtinë. Me të marrë informatën njësitet e nevojshme policore kanë dalë në vendin e ngjarjes.
Bazuar në informacionet e para dyshohet se një person mashkull , ka marrë plagë nga një mjet i mprehtë (thikë) dhe i njëjti është dërguar në QKUK për trajtim mjekësor”, tha Borovci.
Lidhur rastin, policia ka arrestuar në vendngjarje personin e dyshuar si dhe ka konfiskuar një thikë.
Aktualisht po vazhdon puna për zbardhjen e rrethanave dhe motiveve që karakterizojnë ngjarjen./Insajderi.com
