Liverpooli ka tifozë në mbarë botën dhe ka një bazë të madhe tifozësh në Serbi.
Tifozët serb u mblodhën në një kafene në Beograd për ta parë ndeshjen Liverpool – Barcelona në kuadër të gjysmëfinales së dytë të Ligës së Kampionëve, shkruan “Telegraf.rs”.
Sapo filloi ndeshja, tifozët besonin në skuadrën e zemrës dhe në atë se trajneri Jurgen Klopp mund të bënte mrekulli.
Pas vetëm shtatë minutash lojë, shpresat e tifozëve të Liverpoolit u rritën pasi Divock Origi ‘shpërtheu’ duke e shënuar golin e epërsisë.
Sipas mediumit serb, tifozët e Liverpoolit në Beograd nuk u ndalën asnjëherë duke kënduar dhe se pinin vazhdimisht birra.
Te dy-golëshi i mesfushorit, Gini Wijnaldum ishte atmosfera paksa më interesante.
Te goli i dytë i Wijnaldum, Xherdan Shaqiri, mesfushori nga Kosova asistoi për holandezin dhe ky asistim gëzoi tifozët e Liverpoolit, të cilët kanë simpati për shqiptarin nga Kosova, i cili ‘iritoi’ serbët me shqiponjën dy-krenare pas golit ndaj Kombëtares serbe në Kampionatin Botëror në Rusi.
“Ne u befasuam kur dëgjuam se si tifozët serb e thërrisnin ‘Shaqiri’, Shaqiri’ dhe pastaj kishte një këngë për të kur ai u shfaq në ekran”, shkruan tutje “Telegraf.rs”.
“Gjilani është zemra e Serbisë”, filluan thirrjet e tifozëve të Liverpoolit, duke aluduar në faktin se Shaqiri ka lindur në këtë qytet të Kosovës.
Në fund, kur Origi shënoi golin e katërt, gëzimi veçse u shtua në kampin e tifozëve serb të Liverpoolit.
Kur ndeshja përfundoi dhe u mbyllën kafenetë, tifozët filluan me himnin “ju kurrë nuk do të ecni vetëm”.
Për fund, mediumi serb shkruan: “Mbetet të shihet nëse tifozët e Liverpoolit janë të gatshëm ta harrojnë armiqësinë ndaj Shaqirit”.