Një person është arrestuar gjatë pasdites të së mërkurës në Mitrovicë, meqë i njëjti dyshohet se ka qenë i përfshirë në një rrahje nga e cila mbetën të lënduar tre persona, njofton Insajderi.
Siç bën të ditur policia në njoftimin e saj 24-orësh, njëri nga të lënduarit për shkak të plagëve të marra nga thika, është dërguar për t’u trajtuar në Qendrën Klinike Universitare të Kosovës dhe sipas mjekëve gjendja e tij është stabile.
Ndërsa dy të lënduarit e tjerë kanë marrë lëndime nga mjete të forta.
Njësitet policore në vendin e ngjarjes kanë gjetur dhe konfiskuar dy gëzhoja të armës së shkurtë.
Me vendim të prokurorit, i dyshuari është dërguar në mbajtje, ndërsa rasti vazhdon të hetohet.
“Rr. Evlia Qelebia, Mitrovicë 17.03.2021-19:30. Është arrestuar i dyshuari mashkull Kosovar pasi që i njëjti dyshohet se ka qenë i përfshirë në rrahje, dhe për pasojë lëndime kanë pësuar tre persona meshkuj kosovarë. Njëri nga të lënduarit për shkak të lëndimeve nga mjeti mprehtë-thikë, është dërguar për tretman mjekësor në QKUK dhe sipas mjekëve gjendja e tij është stabile, ndërsa dy të lënduarit tjerë kanë lëndime nga mjete të forta. Njësitet policore në vendin e ngjarjes kanë gjetur dhe konfiskuar dy gëzhoja të armës së shkurtë. Me vendim të prokurorit, i dyshuari është dërguar në mbajtje, ndërsa rasti vazhdon të hetohet”, thuhet në raportin e policisë. /Insajderi.com