Pak kohë pas lajmit të bujshëm që Roberti bëri vet publik për ndarjen me Norën, në mediat rozë qarkulloi menjëherë një foto teksa këngëtari shfaqej pranë një vajze brune mjaft seksi.
Aso kohe në lidhje me vajzën brune që e fotografuan, Roberti tha se nuk kam çfarë fsheh pasi ajo është një prej modeleveqë kemi bashkëpunuar për projektet e reja.
Teksa ka qenë i ftuar në emisionin, “Glamour Zone” në Ora News, këngëtari është pyeur sërish për këtë çështje.
“Në Turqi kam qenë me xhirime që i bën Big Mama dhe Rina. Këto xhirime i organizon Big Mama. Ajo vajza ishte për xhirime. Është modele që jeton në Amerikë. Po të doja, do kisha ikur diku tjetër dhe jo në Turqi ku ka shqiptarë dhe mund të më bënin shumë lehtë një foto. Ne vendosëm të shijonin kohën e ngrohtë dhe pjesa tjetër e grupit nuk zbriti sepse ishin të lodhur. Ishte rastësi që mbetëm vetëm të dy dhe u bënë ato foto”,– ka deklaruar Roberti.
