“Do të jetë e vështirë dhe ne do të jemi të ekspozuar ndaj presioneve”, ka thënë Vuçiq.
Presidenti i Serbisë, Aleksanër Vuciq, ka thënë se në Uashington me siguri do t’i kërkohet ajo që Brukseli ia ka kërkuar; që të mos e kundërshtojë anëtarësimin e Kosovës në Kombet e Bashkuara, por s’ka nevojë ta njohë atë si shtet, shkruan Insajderi.
Por, ajo që nuk e di Vuçiq është se çfarë do t’i ofrohet Serbisë në këmbim?
“Unë mendoj se ideja e tyre tani është të na thonë që ne mos ta kundërshtojmë anëtarësimin e Kosovës në OKB, por ata nuk dinë çfarë të na ofrojnë. Pra, ne nuk kemi pse ta njohim zyrtarisht Kosovën, por nuk kemi pse t’i kundërshtojmë ata të marrin një vend Organizatën e Kombeve të Bashkuara”.
Vuçiq shtoi se ai pret që “Evropa të thotë se ne do të jemi anëtare të BE brenda disa viteve”.
“Serbisë duhet t’i ofrohet shumë më tepër”, ka thënë Vuçiq.
Vuçiq ka potencuar edhe se “do të jetë e vështirë dhe ne do të jemi të ekspozuar ndaj presioneve”./Insajeri.com
