Në Ukrainë gjatë 24 orëve të fundit janë regjistruar 12.946 raste të reja të infektimit me Coronavirus të ri (COVID-19), më së shumti brenda një dite në vitin 2021, tranmseton Insajderi.
Të dhënat e Ministrisë së Shëndetësisë tregojnë se gjatë 24 orëve të fundit infektimi është konfirmuar tek 12.946 persona, me çka numri i përgjithshëm i të infektuarve është rritur në 1.438.468, raporton Anadolu Agency (AA).
Janë konfirmuar edhe 230 raste të vdekjes, duke e çuar atë në gjithsej 27.915.
Në Ukrainë, në të cilën është aprovuar vaksina AstraZeneca, vaksinimi masiv ka filluar më 24 shkurt. Deri më tani janë vaksinuar 38.237 persona.
Numri më i madh i të infektuarve brenda një ditë është regjistruar më 28 nëntor të vitit 2020, kur infektimi u konfirmua tek 16.294 persona. /Insajderi.com
